Kudu Reueus Jadi Urang Sunda

 Indonesia memiliki kebhinekaan dalam berbagai hal seperti suku bangsa, agama, budaya, adat istiadat, bahasa dan banyak lagi. Salah satu suku bangsa yang ada di Indonesia adalah Suku Sunda. Suku Sunda mayoritas berdiam di Jawa Barat dan berbicara dengan Bahasa Sunda sebagai bahasa sehari-hari, meskipun di perkotaan sudah semakin tersisih oleh Bahasa Indonesia.
Sudah selayaknya tiap-tiap suku bangsa memelihara budaya serta adat istiadat yang ada di daerahnya. Budaya daerah adalah pondasi budaya nasional Indonesia. Keindahan budaya Indonesia tak kan ada bila tidak ada budaya daerah. Oleh sebab itu sudah selayaknya budaya dan bahasa daerah dijaga serta dilestarikan oleh pemiliknya.
Sebagai wujud kecintaan terhadap budaya daerah, khususnya daerah Sunda, admin menulis satu buah artikel berbahasa Sunda dengan judul " Kudu Reueus Jadi Urang sunda" yang kalau diterjemahkan ke dalam Bahasa Indonesia berjudul " Harus Bangga Menjadi Bagian Dari Suku Sunda".

       Suku Sunda teh mangrupakeun salah sahiji suku bangsa nu aya Nagara Indonesia. Mayoritas urang sunda cicing di Jawa Barat Jeung banten. Tapi aya oge urang sunda anu cicing di Jawa Tengah bagian kulon seperti di sabagian Kabupaten Cilacap jeung  Kabupaten Brebes, Jakarta, Lampung jeung tempat sejena di Indonesia.. Nyebarna masyarakat sunda ka sakuliah Indonesia, salianti faktor turun temurun, oge disababkeun ku alatan kagiatan transmigrasi atawa usaha dagang.

Nu jadi identitas urang sunda teh diantara nyaeta bahasa jeung budaya Sunda. Basa Sunda mangrupakeun bagian tina basa Melayu Polinesia sarta bagain tina rumpun basa Austronesia anu sumebarna di sakuliah Asia Wetan jeung Asia Tenggara. Basa Sunda jadi basa komunikasi diantara urang sunda utamana urang sunda di Jawa Barat. Tanah tempat cicing urang Sunda teh katelahna Tatar Pasundan.

Nilik kana sajarah, di Tatar Sunda pernah ngadeg hiji karajaan anu mangrupakeun karajaan anu pangheulana aya di Pulo Jawa. Ngaran karajaanna teh Tarumanagara anu nurutkeun ahli sajarah ngadegna teh di wilayah Bogor. Satutasna karajaan Tarumanagara bubar, ngadeg karajaan Galuh jeung Pajajaran. Karajaan Galuh puseur dayeuhna teh di daerah kawali, sedengkeun karajaan Pajajaran di daerah Bogor ayeuna.

Wilayah Tatar Sunda di Jawa Barat kondisi geografisna campuran antara dataran jeung pagunungan. Dataran anu rata  ayana di tatar Sunda bagian kaler saperti Bekasi, Karawang, jeung Subang. Sedengkeun kondisi daerah Sunda bagian tengah jeung wetan mayoritas pagunungan. Kusabab kondisina  anu mayoritas pagunungan,  wilayah  Sukabumi , Cianjur , Bandung, Bandung Kulon , Majalengka , Sumedang , Garut , Tasikmalaya , Pangandaran, jeung  Ciamis  disebut Tatar Priangan.

Kecap priangan asalna tina kecap parahyangan anu hartina tempat para hyang. Masyarakat Sunda baheula percaya yen para Rahyang atawa Hyang atawa dewa dina kapercayaan Sunda buhun teh dipercaya cicingna di puncak gunung anu aya di sakuliah Tatar Priangan. Kusabab eta wilayah sunda anu loba gunungna teh disebut parahyangan.

Mayoritas masyarakat Sunda pencahariana kana pertanian. Hal ieu teu matak aneh sabab tanah di tatar Sunda kacida suburna. Wilayah Sunda mangrupakeun salah sahiji lumbung pare keur Indonesia. Wilayah Sunda anu jadi lumbung pare teh ayana di bagian kaler tatar Sunda saperti Karawang, Subang jeung Indramayu. Salianti subur, wilayah tatar priangan oge kacida endahna. Loba daerah di wilayah sunda anu kajojo jadi tempat wisata alatan kaendahan alamna. Contona bae daerah Lembang, Puncak, Kawah Darajat di Garut, Gunung Tangkuban Parahu jeung rea-rea deui.

Urang kudu reueus jadi urang sunda, sabab Suku Sunda teh miboga sajarah, budaya, adat istiadat, kaayaan alam  anu pikareueuseun. Budaya Sunda henteu eleh ku budaya suku bangsa sejen anu aya di Indonesia. Diantarana wae urang mibanda tari merak, tari jaipong, kuda lumping, sisingaan, tari topeng, wayang golek, ronggeng gunung jeung rea-rea deui. Dina widang alat musik, Suku sunda oge henteu eleh. Aya calung, angklung, degung, dogdog, kacapi, suling jeung rea-rea deui.

Reueus jadi urang sunda teu cukup ku ngan diucapkeun. Reueus jadi urang sunda kudu dilaksanakeun dina perbuatan. Contona bae ngomong make basa sunda tur mikawanoh kana kasenian jeung adat istiadat nu aya di tatar sunda. Leuwih alus lamun ancrub diajar seni jeung budaya nu aya di tatar sunda. 

Budaya jeung Bahasa Sunda bakal langgeng ayana lamun dipulasara ku urang Sunda. Urang ulah eleh ku urang luar anu datang ka tatar sunda diajar budaya jeung adat istiadat Sunda. Nanjeurkeun budaya sunda lain tanggung jawab batur tapi tanggungjawab urang sakumna urang Sunda.